23.5 C
مصر
16 يونيو، 2021
مقالات

الثقة بالله بقلم…. د.. محمد عادل أفندينا

قبل ما تكون واثق فى نفسك خليك واثق فى ربنا إنه جانبك،
عُمره ما هيسيبك، دايماً هيساعدك توصل لكُل إللى نفسك فيه،
وقبل ما تروح تشتكى لحد همومك روح إشتكى لربنا، ربنا عالم بكُل
حاجة فى حياتك، روح إرمى همومك على إللى خلقك وهو هيساعدك
توصل لحل، ربنا أولى وأحسن إنه يسمع منك همومك، هو إللى بإيده
يوصلك لكُل إللى نفسك فيه ?
فى كُل صلاة وأنا بدعى أكتر طلب بطلبه من ربنا “راحة البال”،
مش عايز أتعب ولا ربنا يشغل تفكيرى بحاجات مُمكن تيجى عليا فى
حياتى، مش عايز أحس إنى تايه ومش عارف الطريق، عايز ربنا يريح
عقلى وقلبى للإختيار الصح ?
إحساس إنك عملت حاجة وربنا رزقك على قد تعبك حلو جداً، ربنا مش
بيضيع تعب حد، ربنا مش بيسيب حد محتاجه، ربنا واقف معاك فى كُل
خطوة فى حياتك، ربنا كبير وإنت محتاجه وإدعِ بالحاجة إللى نفسك فيها ?
وإعرف إن ربنا مش بيقفلها فى وش حد، هو بس إختبار مش أكتر، بس لما
هيفتحها فى وشك هتفتح بشكل يبسطك طول حياتك، قال النبي صلى الله عليه
وسلم : “ما يصيب المسلم من نصب ولا وصب ولا هم ولا حزن ولا أذى
حتى الشوكة يشاكها إلا كان له بها أجر” ?
مؤمن جداً جداً بتدابير ربنا فى الحياة، وإن شئ واحد مُمكن يغير
مجرى حياتك كُله للاحسن ويملى حياتك بأمور كتير جميلة ،
فرحة تجيلك فى شُغل مثلاً كويس، فرحة تجيلك لما تقابل حد بتحبه،
أو حد تقابله وتكمل معاه حياتك، تدابير ربنا وعنايته بيك هى الحاجه
اللى هتفضل محوطاك فى كل تفاصيل حياتك , فمتيأسش مهما حسيت
إنها بتتقفل فى وشك , ده ربك معاك

اخبار مشابهة

ولاد الناس…. بقلم د. ياسمين محمد عطية رئيس مجلس ادارة جريدة تحيا مصر المستقبل

تحيا مصر

أتجرَع هذا الدواء !!!                   بقلمي ; د.مصطفي الشربيني

تحيا مصر

بقلم.. الصحفي محمد عادل افندينا… خير من يمثلنا في مجلس النواب

تحيا مصر

اترك تعليق